Cusco vén de publicar unha nova entrada no seu blogue. Lembrade pasarvos por alí para ver unhas fotiñas e máis un video resumindo a gran xornada coa que festexamos un dos días máis importantes para o noso idioma. Se queredes chegar antes, facede clic aquí.
Déixovos de novo o vídeo sobre Florencio Delgado Gurriarán que vimos na clase e algúns dos xogos que tamén tedes na aula virtual.
FELIZ DÍA DAS LETRAS GALEGAS!
Onte de novo puidemos desfrutar dunha
xornada ao aire libre.
Luz explicounos estupendamente os
factores que inflúen na propagación de incendios e tamén como previlos e manter
o noso monte nas condicións axeitadas.
Deseguida puxemos rumbo a un dos
recantos do noso monte máis próximo con tres finalidades: visitar a Central
Hidroeléctrica do Eume, realizar un pequeno roteiro ata a antiga central e
continuar coa actividade de prevención de incendios que comezaramos no cole
participando nunha ginkana. Ah! E merendar nunha contorna
inigualable, por suposto.
Graciñas a todos os que colaborastes
neste gran día: o concello da Capela, Luz e Secundino.
Eu miro polo meu monte!
Os ríos e os bosques de ribeira posúen un valor natural incalculable. Na saída de hoxe, coa axuda dun membro de ADEGA, puidemos observar e poñer en valor unha pequena parte desa biodiversidade. Lembrade entrar no blogue da biblio para coñecer máis sobre esta actividade.
Esta mañá visitounos a autora do libro que estivemos lendo recentemente: Andar aos biosbardos. Ademais de falar con ela sobre as personaxes e os contos baixo o freixo engurrado que dan forma a ese libro, asinou os nosos exemplares, ofreceunos a divertida historia de A rúa da Tixola e sobre todo, conseguiu que esa sesión nos soubese a pouco coa súa xenial forma de narrar.
Entra no blog da biblio para coñecer máis sobre a conmemoración do Día do Libro no noso cole.
.jpg)
Seguimos co noso "minihorto". Hoxe sementamos leitugas, cenorias e tomates. A ver se conseguimos facer unha boa ensalada dentro dunhas semaniñas. 🌱
A asociación Cans de Salvamento de Galicia (CA.SA.GA) ofreceunos hoxe unha demostración da súa importante labor. Encantounos ver o ben que traballan estes amiguiños de catro patas: Arnold, Thor e Anka. 🐾
