"Has de cantar" (Rosalía de Castro)

Para celebrar o día de Rosalía de Castro, o alumnado do 2º ciclo de EP recitou o poema da autora titulado "Has de cantar".

Deixámosvos o vídeo para que o disfrutedes, como puidemos facelo nós en directo. Saúdos!

Entroido 2024

Un entroido pasado por auga, este ano foi protaganista a vida mariña e a concienciación sobre o coidado dos nosos mares e océanos.

Foi un día con moita actividade, comezamos con sesión de fotos para continuar coa actuación de Silbarda despois tivo lugar o desfile no que mostramos os nosos traxes de entroido, seguimos co xuízo do Meco e para coller forzas para o baile...tomamos unha merenda ben rica, chocolate con churros!😋

30 de xaneiro: Día Escolar da non Violencia e da Paz

Coma cada 30 de xaneiro celebramos o día escolar da non violencia e da paz. Construímos a árbore da paz, para isto cada neno e nena elaborou un símbolo relacionado co que representa a paz para eles e elas,  e...mirade que bonita nos quedou!

Grazas familias pola vosa colaboración!❤

Bailamos a canción de Álvaro Soler  "Bajo el mismo sol", grazas David pola paciencia!, e despois desfrutamos duns divertidos xogos cooperativos e colaborativos que preparou o profe Fer.

Festival de Nadal

Como xa sabedes, o xoves día 21 de decembro, último día lectivo do primeiro trimestre, celebramos no cole o tradicional Festival de Nadal. O alumnado do 2º ciclo de EP levaba semanas preparando e ensaiando unha coreografía para a canción de "Feliz Navidad", cos titores e especialmente con David, o mestre de música. 

Tod@s eles asistiron disfrazados de elfos e fixeron unha fantástica actuación para contribuir ao desenvolvemento dun festival que gustou moito a pequenos e maiores. 

Deixámosvos unhas imaxes do día. BO NADAL!

NOVEMBRO MES DA CIENCIA EN GALEGO NAS BIBLIOTECAS

 Con motivo do mes de novembro, o mes da ciencia, o alumnado do segundo ciclo de EP do cole fixo dous experimentos científicos. 

Por unha banda, o alumnado de 3º curso levou a cabo un experimento relacionado coa densidade, o cal poderedes ver no próximo vídeo.

Por outra banda, o alumnado de 4º curso desenvolveu un experimento relacionado coa presión. Deixámosvos tamén aquí o vídeo. Esperamos que vos gusten. 

25N TEATRO E OBRADOIRO

 Esta semana tivemos no cole actividades moi divertidas, o xoves comezamos con Teatro Ghazafelhos. 

A obra representada, Travesía Unicornio, fala da importancia de escoitarse, aceptarse e o máis improtante, aceptar tamén os desexos dos demais para que se cumplan os propios.

Para rematar a semana os nenos e nenas de 3º de Educación Primaria gozaron dun Escape Room, no que resolveron unha serie de retos nos que coñeceron algunhas personalidades que axudaron no camiño pola igualdade real. 

Descubriron vocabulario non sexista, pintaron, pensaron, resolveron crebacabezas … un divertido xogo acompañado da aprendizaxe de novos conceptos en materia de igualdade.

VISITA DA ESCOLA DE MÚSICA DA CAPELA