"FESTA" DE NADAL

O último día do trimestre foi ben entretido! A pesar de ter que adaptar as actividades para garantir a seguridade un curso máis, non faltou a diversión.

 Cantamos a nosa panxoliña "Cando é Nadal" e acompañámola coas melodías dos metalófonos e xilófonos. Unha mágoa non poder compartilo con vós en directo, pero quedou gravado! 📹

Mentres merendamos un riquísimo chocolate con churros, tivemos a visita dos Reis Magos.

Pero iso non foi todo, estaba agardando por nós un xenial espectáculo de maxia a cargo do Mago Teto! 

Agora toca descansar e disfrutar destes días. Á volta, agárdanos moito traballo 😉

Boas festas, familias! 🎄

POSTAIS DE NADAL

 Ademais dunhas tiras de cómic (ás que non lembrei sacar foto), nestes días estivemos creativos. Mirade as postais de Nadal que xa colgan na aula. Unha delas saiu onte camiño de cada unha das casas con moito agarimo.

25 - N: Obradoiro de ilustración pola igualdade

Facede clic aquí para entrar na Biblio de Cusco e coñecer máis actividades coas que conmemoramos este día. 

Comparto con vós un contacontos da historia "Artur e Clementina" (Adela Turin) narrado por

Carmen Domenech. A comezos do curso xa tivemos o pracer de desfrutalo en directo na Casa da Cultura grazas á Biblioteca Municipal. Pero hoxe é un día especial para lembralo.

DÍA DA INFANCIA

 Feliz día, campionas e campións! 

DÍA DO PEÓN: Polo San Martiño, peóns ao camiño!

 Xogos tradicionais e un día solleiro! Que boa combinación! 

E os peóns bailaron e bailaron...

COÑECENDO OS VOLCÁNS II

A semana pasada por fin fixemos que o noso pequeno volcán entrase en erupción. Como expertos/as científicos/as, mesturamos os compoñentes necesarios para que se producise a agardada reacción. Todo hai que dicilo, resultounos algo escasa, pero conseguimos facernos á idea. 

SAMAÍN

 Os nosos ancestros de orixe celta xa tallaban cabazas (máis ben, nabos) para facer uns farois que guiasen aos espíritos bos e espantasen aos malos na noite en que se abrían as portas do alén. 

Grazas, familias, pola vosa colaboración!

MAGOSTO!

Chegou o día de encher os nosos cornetes de castañas. Si, xa sabemos que son cestas... pero quedáronnos ben feitiñas! E ademais, reutilizando materiais. 🍂

Ao igual que o Samaín, outra celebración tradicional en Galicia marca tamén o paso do verán ao outono: o Magosto. Unha festa arredor das castañas e do lume para celebrar cos veciños e disfrutar de xogos tradicionais, bailes e contos.

DÍA DAS BIBLIOTECAS

 Hoxe celebramos un gran día para as bibliotecas escolares e, en especial, para a do noso Cusquiño. Facede clic aquí para entrar no blog da biblioteca e ver algunhas fotos desta xornada. 

O día comezou da mellor forma: con risas, moita maxia e I-MA-XI-NA-CIÓN! Rimos a esgalla co Mago Paco na Casa da Cultura, quen desta vez combinou os trucos coas historias que agochan os libros.

Xa no colexio, o alumnado de 6º (e colaborador da biblioteca) fíxonos rir, aplaudir e desfrutar dunha sesión de contacontos que prepararon durante estas semanas. Que artistas! 

Tamén nos revelaron os finalistas do concurso de slogans de animación á lectura. Noraboa a Xoel e a Ainara e Andrea por ese nomeamento compartido!

E como broche final, un bocado doce coa galleta que nos agasallou Cusco🐭. Graciñas amigo!

VISITA Á CASA DA CULTURA: A carteira de Augasclaras

 A Carteira de Augasclaras tiña cartas para nós, unhas cartas que nos levaron a tres contacontos sobre tres fantásticos libros: "Artur e Clementina", "Rosa Caramelo" e "Eu vou comigo". Aparte de facernos reflexionar sobre a igualdade de xénero, quedamos encantados cos personaxes e coa narración de Carmen. 👏