O pasado 30 de marzo visitamos o Porto interior de Ferrol, a lonxa e...dimos un paseo en barco pola ría. Foi moi interesante aprendemos como se leva a cabo o control do porto, aprendemos sobre as distintas especies que produce a ría e o paseo en barco permitiunos aprender moito sobre a historia de Ferrol.
Unha xornada marabillosa!
.jpeg)
.jpeg)
Fai un tempo tivemos unha visita moi especial, a dos amigos de Cusco, e sabedes que? traían unhas esencias moi moi importantes, as das emocións, pero... entraron uns ladróns no cole e roubáronas, Bea rapidamente chamou aos inspectores da Asociación Alenta e foron eles quen nos axudaron a recuperalas, pero para iso tivemos que investigar e aprender moito sobre as emocións, e sobre como tapar ao noso tigre cando se destapa, (bonita historia a que nos contaron os inspectores de Alenta verdade?)
Agora deixámosvos unha mostra dalgúns dos momentos vividos durante esta mañá tan máxica.
Aprendemos un pouquiño máis sobre que son as pilas, que tipos existen, cales son os seus compoñentes e como é o seu proceso de reciclaxe.
Pasamos un anaco cheo de diversión e aprendizaxe e continuamos a encher as nosas mochilas de ferramentas que nos permitan coidar a nosa contorna.
Grazas Pilabot.
Este entroido os nenos e nenas de terceiro e cuarto inundan as rúas de A Capela de choiva e neve.
Hoxe a profe Alba fíxonos gozar dunha sesión chea de diversión e aprendizaxe.
A través do xogo traballamos o pensamento computacional, o cumprimento das normas, a resolución de problemas, a xestión das emocións e a atención.
