Da man da nosa nova amiga Tamara, bióloga da asociación para a educación ambiental "Alados Medioambiente", hoxe descubrimos moitas cousas interesantes sobre as aves nocturnas e a súa importancia na natureza e mesmo nas nosas vidas. Tamén investigamos que cousas comen e cales son os seus costumes, sons, etc. Foi unha actividade moi enriquecedora que nos achegou o departamento de Medio Ambiente da Diputación da Coruña.
💚💚💚
Conmemoramos o 25 de novembro, Día Internacional para a Eliminación da Violencia contra as Mulleres, cun mural moi especial baixo o lema: “Que ninguén che corte as ás”.
Cada neno e nena participou creando unhas ás feitas con mans recortadas, símbolo de apoio, liberdade e respecto.
O pasado venres visitamos o xacemento arqueolóxico de Caldoval, onde puidemos descubrir como era a vida na época romana, coñecemos as antigas termas, os seus usos e a importancia deste espazo na historia local.
Ademais desfrutamos dun divertido obradoiro no que construimos un tres en raia.
Días diferentes, días de aprendizaxe.
.jpeg)
O 20 de novembro celebramos no colexio o Día Universal da Infancia. Para festexalo, visitounos a autora Ana Meilán, que nos encantou cun contacontos do seu libro Xertrudis.
Grazas á ANPA por organizar esta actividade tan especial.
O pasado venres visitamos A Coruña, puidemos combinar natureza, historia e ciencia nunha mesma xornada. A primeira parada foi o Monte de San Pedro, onde gozamos das espectaculares vistas da cidade e coñecemos a importancia histórica deste espazo como punto de defensa costeira.
A continuación visitamos a Casa das Ciencias, onde participamos en diferentes actividades interactivas e descubrimos curiosidades sobre astronomía, física e a natureza.
Foi unha saída estupenda para aprender dun xeito diferente e compartir momentos especiais fóra da aula.
.jpeg)
.jpeg)
.jpeg)
A pesares de non ter aínda dispoñible o pavillón e de que o tempo non acompañou, este ano tampouco quixemos deixar de celebrar o Magosto nin o Día do Peón. Así que no recreo papamos unhas deliciosas castañas asadas e despois fixemos uns xogos moi divertidos, algunha manualidade e, por suposto, bailamos e cantamos a mítica canción "Fago o Camiño".
Na Capela os peóns nunca deixan de xirar!
😊😊😊
.jpeg)
O pasado 30 de outubro, celebramos o Día de Samaín cunha xornada chea de diversión e misterio. O alumnado trouxo as súas propias cabazas para o concurso de Samaín, amosando gran creatividade e imaxinación. Moitas grazas a todos os participantes por facer desta actividade un verdadeiro éxito!
Parabéns aos gañadores de segundo ciclo do concurso de cabazas, Leyre, Artai e Nina!
Ademais, a Santa Compaña fixo unha visita moi especial, sorprendendo a grandes e pequenos! E... para rematar, a Bruxa Maruxa chegou ao colexio para contarnos unhas historias cheas de maxia que nos deixaron a todos fascinados.
Grazas á nosa Anpa por tanto esforzo!
.jpeg)
A semana pasada, todo o colexio tivo a sorte de asistir a unha sesión de contacontos única e especial, da man de Bea Campos, que nos fixo vivir unha xornada chea de maxia e diversión.
Grazas ao Concello e á Biblioteca Municipal por convidarnos e facer posible esta marabillosa actividade.
Grazas a Bea Campos pola súa enerxía e capacidade para facer que os contos cobrasen vida.
💚 Moitas grazas á nosa ANPA pola compra dos novos xogos para as aulas!
Os nenos e nenas están encantados e encantadas. Aprender xogando é moito mellor!
O noso centro celebra un ano máis o Día das Bibliotecas, que se conmemora o 24 de outubro, cunha semana chea de actividades pensadas para poñer en valor este espazo tan especial de aprendizaxe e descubrimento.
Durante os días previos, o alumnado participou nunha formación de usuarios, impartida polos compañeiros e compañeiras de 6º de Primaria, que explicaron como está organizada a nosa biblioteca, que servizos ofrece e como se poden atopar e empregar os seus recursos. Foi unha oportunidade estupenda para aprender e tamén para que o alumnado máis maior exercese de guías e formadores.
Un dos momentos máis especiais foi o concurso de deseño dun axudante para Cusco, a nosa querida mascota da biblioteca. O alumnado puxo toda a súa creatividade en marcha, presentando propostas orixinais e cheas de imaxinación.
En 3º de Primaria, o finalista foi Artai con "Casacol", e en 4º, Yoana coa súa creación, o gatiño "Noite", que se converteu finalmente na gañadora. Parabéns a ambos polo seu fantástico traballo!
E para culminar a semana, o 24 de outubro, realizouse a actividade “Xornalistas de investigación”. Nesta ocasión, os nenos e nenas convertéronse en verdadeiros detectives da información, comprobando a veracidade de distintas afirmacións mediante a búsqueda de respostas en diversas fontes. Foi unha actividade tipo “busca do tesouro”, divertida e moi educativa, que axudou a poñer en práctica o pensamento crítico e a habilidade para distinguir entre feitos e opinións.
Como broche final desta xornada tan especial, todo o alumnado recibiu unha galleta decorada co cartel do Día das Bibliotecas
📖 Feliz Día das Bibliotecas!
.jpeg)
.jpeg)
.jpeg)
Hoxe visitounos a nosa nova amiga Nuria, traballadora de Ancaria-Xestión Medioambiental, para explicarnos moitas cousas interesantes sobre a reciclaxe. A verdade é que algunhas delas xa as sabiamos pero nunca está de máis lembralas e, sobre todo, levalas á práctica. Soamente temos un planeta onde vivir e temos que facer todo o que estea nas nosas mans para conservalo e coidalo cada día.
Grazas a Nuria e tamén ao Concello de A Capela por traernos unha actividade tan interesante.
💚💚💚💚
Un pouco de arte enmarcado no noso Proxecto Documental Integrado "Capelarte", galletiñas da fortuna con mensaxes positivas para este curso e unha decoración ben bonitiña e especial que con tanto agarimo nos preparou a nosa ANPA, grazas!💕
.jpeg)
.jpeg)
